E hënë, 27 Mars 2023 – 12:40
Twitter: Alexander van der Bellen
Presidenti i Austrisë Alexander Van Der Bellen po qëndron në vizitë në Tiranë. Mëngjesin e sotëm ai është pritur me nderime shtetërore nga Presidenti i Shqipërisë Bajram Begaj.
Pas një takimi të përbashkët, të dy presidentët dalin në konferencë për media.
Paraprakisht van der Bellen ka falënderuar Shqipërinë për mikpritjen dhe ka siguruar këta të fundit për mbështetjen. “Edhe pse në kohë të vështirë, Ballkani perëndimor nuk është harruar nga BE. Austria siguron se kjo nuk do të ndodhë, prandaj jam këtu”, ka shkruar ai.
Pastaj, van der Bellen shkon në Kuvendin e Republikës së Shqipërisë për një seancë speciale ku edhe do mbajë fjalë përshëndetëse.
Përgjatë vizitës shtetërore Presidenti Van der Bellen do të zhvillojë takime të nivelit të lartë, si dhe do të marrë pjesë së bashku me Presidentin Begaj në një forum ekonomik me përfaqësues të biznesit austriak në Shqipëri, përcjellë albinfo.ch.
