Punonjësit e transport publik në Gjermani kanë filluar një grevë mbarëkombëtare këtë të hënë, me qëllim shtimin e presonit ndaj qeverisë për rritjen e pagave.
Si pasojë është paralizuar transporti hekurudhor e ajror në të gjithë vendin.
Punëtorët në aeroporte, hekurudha, autobusë dhe linja metroje po marrin pjesë në këtë grevë, e cila pritet të zgjasë 24-orë. Çdo aeroport i madh ndërkombëtar është prekur nga kjo ngritje e punonjësve përveç atij te Berlinit.
Ndërkohë edhe Aeroporti Ndërkombëtar i Mynihut kishte ndërprerë fluturimet të dielën, në pritje të grevës dhe efekteve të saj.
Në total në mbarë vendin, rreth 400,000 pasagjerë mendohet se do të vuajnë vonesa ose anulime udhëtimesh.
Rrjeti hekurudhor gjithashtu është paralizuar. Më shumë se 30,000 punëtorë i janë bashkuar grevës.