Pasi Gjykata Penale Ndërkombëtare lëshoi urdhërarrestim për Vladimir Putin, duke e akuzuar atë për krime lufte,kryetari i Parlamentit të Rusisë ka propozuar ndalimin e aktiviteteve të kësaj gjykate.
Aleati i Putinit tha se legjislacioni rus duhet të ndryshohet për të ndaluar çdo aktivitet të Gjykatës Penale Ndërkombëtare në Rusi dhe për të ndëshkuar këdo që jep “asistencë dhe ndihmë” për këtë institucion me seli në Hagë.
Ndër të tjera ai deklaroi se Shtetet e Bashkuara kanë ndryshuar ligjin, që ndalon që qytetarët amerikanë të gjykohen nga kjo gjykatë dhe se Rusia duhet të veprojë në këtë drejtim.
Gjykata Penale Ndërkombëtare lëshoi urdhërarrestim, duke e akuzuar Putinin për krime lufte, përkatësisht për dëbimin e paligjshëm të qindra fëmijëve nga Ukraina. Gjykata u shpreh se ka fakte që e mbajnë përgjegjës kreun e Kremlinit. Ndërkohë luftime të ashpra kanë vijuar në afërsi të qytetit lindor ukrainas të Bahmutit, ku janë kryer dhjetëra sulme në 24 orët e fundit.