Roma gabon rëndë në luftën për zonën Champions. Verdhekuqtë u mundën 4 me 2 në shtëpi nga Sassuolo , ndeshje ku protagonist negative ishte mbrojtësi i përfaqësueses shqiptare, Marash Kumbulla.
Miqtë në fundin e pjesës së parë udhëhiqnin 2 me 1, por Kumbulla, ndonëse i provokuar nga Berardi, e goditi këtë të fundit me shkelm, duke merituar karton të kuq dhe duke shkaktuar edhe penallti, që u kthye në gol nga vetë Berardi.
Në pjesën e dytë, ndonëse Dybala rihapi sfidën, Pinamonti shënoi edhe golin e katërt për miqtë. Bajrami luajti disa minuta në fund tek skuadra e Sassuolos, por pa lënë shenjë.
Humbja e lë Romën në kuotën e 47 pikë pas Napolit, Interit dhe Lazios, por rrezikon të mbetet edhe pas Milanit, nëse kuqezinjtë fitojnë te henen ne mbremje ndaj Salernitanës, ndeshje e cila transmetohet në Tring.