TV News
Shqipëri

Takim me kreun e Kuvendit të Britanisë/ Rama: Shprehu keqardhje për retorikën ndaj shqiptarëve

Subscribe

Kryeministri Edi Rama ka ndarë momente nga takimi i tij me zyrtarë të lartë në Mbretërinë e Bashkuar. Përmes një fotoje me kreun e Kuvendit britanik, Rama thekson se ky i fundit ka shprehur shqetësimin e tij retorikën e përdorur ndaj shqiptarëve.

 

Kryeministri shkruan se kryetari i Kuvendit të Mbretërisë së Bashkuar, Lindsay Hoyle, ka vlerësuar vlerat e komunitetit shqiptar në Britani dhe rolin e Shqipërisë në arenën ndërkombëtare.

 

“Takim me Kryetarin e Kuvendit të Mbretërisë së Bashkuar, Lindsay Hoyle, i cili shprehu keqardhje për retorikën shqetësuese ndaj shqiptarëve dhe duke nënvizuar domosdoshmërinë e luftës së përbashkët kundër rrjeteve kriminale, theksoi vlerat e pamohueshme të komunitetit shqiptar në Britani, si edhe ngriti lart rolin e Shqipërisë në arenën ndërkombëtare”, shkruan Rama.

 

 

Pas takimit me homologun e tij britanik, Rishi Sunak, kryeministri Rama deklaroi në konferencën e përbashkët se shqiptarët nuk përfaqësohen vetëm nga gomonet. Në fokus të kësaj vizite në Mbretërinë e Bashkuar ishte problemi i shqiptarëve që kalojnë ilegalisht kufirin drejt Anglisë. Emigrantët shqiptarë të paligjshëm janë bërë jo pak herë temë diskutimi në kuvendin e Britanisë së Madhe.

 

Lajme të ngjashme

619 vjet nga lindja e Gjergj Kastriotit – Skënderbeut

Suad Avdiu

Fundjava e parë pa kufi Kosovë-Shqipëri, qytetarët: Jemi një komb, s’duhet të ketë kurrë kontrolle

Suad Avdiu

Sot shënohet Dita e Dëshmorëve, 5 Maj

Suad Avdiu