TV News
Rajon-Botë

Bombardimet e NATO-s në Serbi/ Shënohet 24-vjetori i sulmeve ajrore që i dhanë fund masakrave serbe në Kosovë 

Kjo e premte shënon 24-vjetorin e sulmeve tw Aleancws se Atlantikut të Veriut kunder bazave ushtarake serbe.

 

Në orët e pasdites së 24 marsit të vitit 1999, NATO nisi fushatën 78 ditore të bombardimeve, duke i dhënë fund luftës në Kosovë.

 

Urdhrin për fillimin e bombardimeve e dha presidenti i Shteteve të Bashkuara të Amerikës, Bill Clinton përmes një fjalimi historik që mbajti para popullit amerikan

 

Sulmet ajrore u ndërprenë më 10 qershor, me miratimin e Rezolutës 1244 të Këshillit të Sigurimit të Kombeve të Bashkuara.

 

Pesë vendet e përhershme anëtare, ranë dakord që në Kosovë të vendosej një administratë e Kombeve të Bashkuara, UNMIK, e cila do tw administronte fazën tranzitore deri në ngritjen e institucioneve vendore dhe zgjidhjen e përhershme të statusit të Kosovës.

 

Dy ditë më pas në 12 qershor 1999 filloi vendosja e rreth 50 mije ushtarëve nga 36 vende të botës, prej të cilëve 30 mije ishin nga vendet e NATO-s.

 

Sot, 24 vjet pas kësaj ndërhyrjeje, trupat e paqeruajtëse të KFOR-it janë në numër më të vogël dhe ndodhen në pjesë të ndryshme të Kosovës me mision paqeruajtës.

Lajme të ngjashme

Irlanda, Norvegjia dhe Spanja do ta njohin shtetin palestinez

Suad Avdiu

Mitsotakis: Greqia nuk është e izoluar, Shkupi po

Avioni goditet nga turbulencat në ajër, humb jetën një pasagjer, plagosen 30 të tjerë