Kreu i grupit parlamentar të Partisë Socialiste Taulant Balla i është përgjigjur deputetit të PD Luçiano Boçi, i cili kërkoi mocion me debat për raportin e DASH për Shqipërinë.
Balla tha se mazhoranca është e gatshme dhe mocioni me debat të bëhet sipas procedurave ligjore.
Ai më tej shtoi se pjesë e diskutimeve të jetë edhe raporti i DASH, por edhe çështja “non grata”.
“Në kërkesë kanë përjashtuar nga firma krye ‘non grata-n’ tregon një reflektim në raportin me DASH. Kuvendi duhet ta vlerësojë dhe ta shqyrtojë në procedurë. Nuk kemi përpara një kërkesë për mocion me debat. Nuk ka ardhur një e tillë. Neni 98 përcakton qartë se si vjen kërkesë dhe cilat janë hapat e procedurës. Këtu ka një kërkesë për ndryshim në rendin e ditës për diçka që nuk ekziston. Nëse ju ka ‘ccuar nëna për me la gojën’ hajde bëjeni. Por në rast se doni vërtet bëjeni kërkesën sipas procedurës. Edhe ne duam të flasim për shumë gjetje të DASH. Ky Kuvendi duhet të ishte mbledhur për të diskutuar për vendimin e SHBA-ve për të shpallur ‘non grata’ një anëtar Kuvendi. Pra, për mocionin me debat nuk ka pasur një kërkesë dhe s’kemi çfarë votojmë”, tha Balla.